സുപ്രഭാതം 

നീലവാനിൽ മേഘപടലം 

മറകൾ നീക്കിടും സൂര്യകിരണം 

മലകൾ താണ്ടിയൊഴുകിടുന്ന പുഴകളും 

പൂഞ്ചോല തഴുകും തെന്നലും 

പുഷ്പദളങ്ങളിൽ മഞ്ഞുത്തുള്ളികൾ 

തെന്നൽ പുൽകി മയങ്ങവേ 

പൈക്കിടാങ്ങൾതൻ ശബ്ദമാധുരി 

പ്രകൃതിതന്നെ ഉണർത്തവേ 

കിളികൾതൻ കളകളാരവ -

മുയരുമീ പുലർവേളയിൽ 

ഉഷസ്സുണരുമീ സുപ്രഭാതം 

മോഹനം അതിമനോഹരം 

ദൃശ്യമാകും വേളയിൽ 

ഹൃത്തിൽ നിറയും സ്മരണകൾ 

മർത്യനുലകിൽ വിജയപഥമതു 

ലഭ്യമാകും വേളയിൽ 

വിദൂരമാകുന്നേഴഴകാർന്നോരു 

സുപ്രഭാതം മർത്യഹൃത്തിൽ